МУС актыўна ўкараняе праграмнае забеспячэнне, распрацаванае Цэнтрам пошуку зніклых дзяцей і дзяцей, якія незаконна эксплуатуюцца, ЗША, прызначанае для збору інфармацыі з файлаабменных сетак з мэтай выяўлення асоб, якія распаўсюджваюць або калекцыянуюць дзіцячую парнаграфію.
Пра гэта распавёў Дзмітрый Цаюн, начальнік аддзела па супрацьдзеянні міждзяржаўнаму гандлю людзьмі галоўнага ўпраўлення па наркакантролі і супрацьдзеянні гандлю людзьмі МУС, перадае sb.by: «Дадзеная сістэма дазваляе вызначаць падазраваных, якія распаўсюджваюць выявы з элементамі дзіцячай парнаграфіі ў розных файлаабменных сетках. Такім праграмным прадуктам карыстаюцца ў 77 краінах свету».
Па хадайніцтве МУС з нядаўняга часу праграма была перакладзеная на беларускую мову.
«Нашы замежныя калегі і распрацоўшчыкі пайшлі нам насустрач, і, акрамя трох моў, дадалася яшчэ і беларуская мова», — распавёў Цаюн. Паводле яго слоў, з дапамогай праграмы МУС можа адсочваць усе ip-адрасы, дзе можа захоўвацца дзіцячая парнаграфія. Інфармацыя прадстаўлена ў выглядзе інтэрактыўнай карты, на якой бачныя кропкі на мясцовасці, дзе, магчыма, у дадзены момант займаюцца запампоўкай або распаўсюджваннем падобнай інфармацыі.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню55
Каментары