«ААН абвясьціла 2008 год «Міжнародным годам бульбы…
Бульба — найважнейшы прадукт у нашай краіне. Беларусь уваходзіць у васьмёрку найбольш буйных вытворцаў бульбы у сьвеце і займае першае месца па вытворчасьці яе на душу насельніцтва».
З газэтнай публікацыі
Гэта словы, з якіх можна песьню тварыць:
«Дзе ты ходзіш? Чакаю. Стаўлю бульбу варыць…»
Словы тыя заўсёды казаліся ў час,
словы тыя гучалі тады якраз,
калі ты ступаў на жыцьцёвую гаць,
калі думаў, як быць і каго кахаць,
быў гатовы адчаем сябе марыць…
Чуўся голас тады: «Стаўлю бульбу варыць».
Словы тыя выводзілі на шлях.
Станавілася з імі сьвятлей у вачах.
Беларускам ня трэба, апроч гэтых слоў,
нагаворнага зельля, чараў — замоў.
Беларуска знае, чым мужчыну скарыць,
як да сэрца яго сьцяжыну тарыць
ды на мове якой з ім гаварыць.
Проста кажа: «Я стаўлю ўжо бульбу варыць».
Іншым разам можа яшчэ паўтарыць:
«Не марудзь, не спазьняйся!
Стаўлю бульбу варыць».
* * *
Чытайце штодзённа ў рубрыцы «Літаратура» на сайце НН творы і мініятуры. Для сэрца, для розуму, для мовы.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары