Жыхар Полацкага раёна Зміцер Русак «нажартаваўся» на крымінальную справу.
Адбылося ўсё 1 мая. Разам з сябрамі Русак зладзіў пікнік на лецішчы. Размова зайшла пра палітыку і сілавікоў. Русак вырашыў даказаць расейцам, што ў Беларусі сілавыя структуры не адсочваюць допісы ў сацыяльных сетках.
І каб пацвердзіць гэта, напісаў на сваёй старонцы УКантакце паведамленьне пра нібыта падрыхтоўку выбуху ў гандлёвым цэнтры «Манеж» у Полацку: «Я рыхтаваў бомбу. Будзе тэракт у Полацку. У манежы».
Апроч паведамленьня пра выбух, Русак дапісаў: «Я ненавіджу ЛУКАШАНКУ. Ён — *** [у арыгінале было нецэнзурнае слова — рэд.]».
Што цікава, увагу на пост звярнулі сапраўды не сілавікі. Допіс убачыў жыхар расійскага Мурманска і адправіў скрыншот сваёй знаёмай з Полацка, а тая звярнулася ў міліцыю.
У выніку на Русака завялі дзве справы: за хлуслівае паведамленне аб небяспецы і за абразу прэзідэнта.
Як паведамляе «Віцебская вясна», на судзе Русак казаў, што раскаяўся, але вінаватым сябе не лічыць. Таксама ён заявіў, што меў на ўвазе «не таго Лукашэнку».
Суд Полацкага раёна 19 лістапада агучыў свой вырак. Русак атрымаў 2 гады хатняй хіміі. Тэлефон, з якога ён напісаў той пост, прызналі сродкам злачынства і канфіскавалі.
Каментары