Расійскі тэлеграм-канал «Нязыгар» пасля пэўнага перапынку зноў вярнуўся да тэмы Беларусі і яе кіраўніка Аляксандра Лукашэнкі.
Прычынай стала перапалка між Аляксандрам Лукашэнкам і Уладзімірам Пуціным на пасяджэнні Вышэйшай Еўразійскай эканамічнай рады у Санкт-Пецярбурзе. Нязгоду Лукашэнкі з Пуціным канал назваў «публічным выпадам».
«Пасля гэтага з беларускімі перамоўшчыкамі ніхто не хоча нічога рашаць. Трэба прызнаць, што на беларускім кірунку Расіі не хапала такога перамоўшчыка, як Дзмітрый Козак. Не выпадкова, што Мінск і сам Лукашэнка яго моцна баяцца, бо ў Козака хватка бульдога», — адзначае крыніца.
За дзень да гэтага Козак не прыняў у сябе беларускую дэлегацыю, якая хацела атрымаць кампенсацыі за газавы манеўр Расіі і зніжак на энерганосьбіты.
«Заўтра плануецца, што Мядзведзеў падпіша доўгачаканы дакумент аб узаемным прызнанні візаў», — адказвае «Нязыгар».
Напрыканцы яны адзначылі нядаўнюю сустрэчу Аляксандра Лукашэнкі з паслом Германіі ў Беларусі. «Дайшла інфармацыя, што ён прасіў абароны ў нямецкага пасла. Ледзьве не на каленях выпрошваў сустрэчу з Меркель. Пасол ужо перадаў просьбу ў Берлін», — адзначае канал.
«Нязыгар» часта публікуе абсалютнае трызненне па беларускай тэматыцы. Тэлеграм-канал належыць генеральнаму дырэктару агенцтва ТАСС Сяргею Міхайлаву.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!2
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары