За суткі да сустрэчы з прэзідэнтам Расіі Уладзімірам Пуціным Аляксандр Лукашэнка заявіў, што не будзе называць Расію брацкай дзяржавай. Паводле Лукашэнкі, такімі адносіны паміж дзвюма краінамі не ўспрымаюцца не ў Мінску, а ў Маскве.
«Я ўжо не кажу «брацкай дзяржавай», таму што, як мяне інфармуюць, у Расіі гэта не ўспрымаецца. Нібыта прыйшлі новыя людзі, якім гэта паняцце непрымальнае. Што ж, будзем партнёрамі», — сказаў Лукашэнка.
Па словах кіраўніка Беларусі, назапасілася дастатковая колькасць падпісаных дакументаў і пагадненняў, якія не выконваюцца. Гаворка зайшла пра пагадненні, якія падпісваліся прадстаўнікамі Савета міністраў Саюзнай дзяржавы і на Вышэйшым дзяржсавеце.
Лукашэнка нагадаў, што ўлады Расіі абяцалі кампенсаваць Мінску страты, але абяцанняў, як сцвярджае беларускі лідар, не выканалі.
Ва ўрадзе Расіі заявілі, што дамовы з Мінскам аб кампенсацыі за падатковы манеўр не было
Цяпер чытаюць
Фіналістак конкурсу «Міс Беларусь — 2025» вывелі на сцэну ў касцюмах з цытатамі Лукашэнкі11
Каментары