Пульсуючае ярка-блакітнае святло заліло неба над Нью-Ёркам у ноч на 28 снежня, пазней высветлілася, што гэта выбухнуў трансфарматар на электрастанцыі ў Квінсе. Пра гэта паведамляе NBC New York.
Відэа NY Post
Шмат хто з жыхароў найбліжэйшых да Квінса раёнаў выйшлі з дамоў і выкладвалі ў сацсетцы фатаграфіі і відэа дзіўнага свячэння. У некаторых частках горада яно было такім яркім, што на вуліцах стала светла, як днём. Незвычайная з'ява доўжылася некалькі хвілін. Улады запэўнілі гараджан у тым, што інцыдэнт ніяк не звязаны з іншапланецянамі — горад асвятліў пажар на электрастанцыі ў Квінсе, дзе выбухнуў трансфарматар.
Паведамляецца, што ў ходзе пажару ніхто не пацярпеў. Экстраным службам удалося хутка лакалізаваць узгаранне, і яно не нанесла занадта вялікай шкоды. Прычынай называюць няправільную працу абсталявання.
З-за пажару на некаторы час адключылася электрычнасць у аэрапорце Ла Гуардыя, у турме на востраве Райкерс прыйшлося задзейнічаць рэзервовыя генератары, а цягнікі на адной з ліній гарадскога метро хадзілі са спазненнем.
-
Затрыманага ў Францыі расійскага баскетбаліста абмянялі на асуджанага ў Расіі француза
-
Куба даўно не жыла добра. Пры гэтым яе эканамічная мадэль і дэмаграфічнае падзенне моцна нагадвае лукашэнкаўскую. Ёй канец?
-
Старадрукі, якія выкрадаліся з бібліятэкі Варшаўскага ўніверсітэта, вывозіліся ў Маскву праз Мінск
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў9
Каментары