Pulsujučaje jarka-błakitnaje śviatło zaliło nieba nad Ńju-Jorkam u noč na 28 śniežnia, paźniej vyśvietliłasia, što heta vybuchnuŭ transfarmatar na elektrastancyi ŭ Kvinsie. Pra heta paviedamlaje NBC New York.
Videa NY Post
Šmat chto z žycharoŭ najbližejšych da Kvinsa rajonaŭ vyjšli z damoŭ i vykładvali ŭ sacsietcy fatahrafii i videa dziŭnaha śviačeńnia. U niekatorych častkach horada jano było takim jarkim, što na vulicach stała śvietła, jak dniom. Niezvyčajnaja źjava doŭžyłasia niekalki chvilin. Ułady zapeŭnili haradžan u tym, što incydent nijak nie źviazany ź inšapłaniecianami — horad aśviatliŭ pažar na elektrastancyi ŭ Kvinsie, dzie vybuchnuŭ transfarmatar.
Paviedamlajecca, što ŭ chodzie pažaru nichto nie paciarpieŭ. Ekstranym słužbam udałosia chutka łakalizavać uzharańnie, i jano nie naniesła zanadta vialikaj škody. Pryčynaj nazyvajuć niapravilnuju pracu abstalavańnia.
Z-za pažaru na niekatory čas adklučyłasia elektryčnaść u aeraporcie Ła Huardyja, u turmie na vostravie Rajkiers pryjšłosia zadziejničać reziervovyja hienieratary, a ciahniki na adnoj ź linij haradskoha mietro chadzili sa spaźnieńniem.
-
«Manueła Łukašenka». U Hiermanii kiraŭnicu rehijona abrazili paraŭnańniem ź biełaruskim dyktataram
-
ZŠA vypadkova departavali mieksikanca, jakoha padazrajuć u najbujniejšym rabavańni kaštoŭnaściej u historyi krainy
-
U «Domie volnaj Biełarusi» ŭ Lvovie ŭšanavali pamiać Michaiła Žyźnieŭskaha. Tam ciapier zachoŭvajecca i pomnik hieroju
Kamientary