17 сьнежня ў менскім кінатэатры «Ракета».
17 сьнежня ў менскім кінатэатры «Ракета».
У менскім кінатэатры “Ракета” 17 сьнежня ў праграме "Фэномэны кіно" а 19 гадзіне будуць прадстаўленыя дакумэнтальныя стужкі Галіны Адамовіч і пройдзе сустрэча з рэжысэркаю.
Галіна Адамовіч – адна з найлепшых кінатворцаў Беларусі. Ейныя дакумэнтальныя фільмы, прасякнутыя спачуваньнем, мудрасьцю і любоўю – гэта партрэты чалавека і часу. Карціны добра вядомыя за мяжой, заслужылі павагу й узнагароду на міжнародных фэстах, але ў краіне дэманструюцца рэдка.
“Працяг” (2003, 15 хвілінаў), зьняты ў радзільнай палаце – стужка пра нараджэньне дзіцяці і пра працяг чалавечага роду, які лучыць нашчадкаў і продкаў. (Гран-пры на фэсьце дакумэнтальнага кіно ў Кішынёве, 2004 год).
“Завядзёнка” (2005, 20 хвілінаў) – сама тытуляваны фільм Адамовіч. Карціна расказвае пра шматдзетную палескую сям’ю Івана і Тацяны Слуцкіх, дзе пабытовыя клопаты асьвечаныя любоўю.
Карціна атрымала прызы кінафэсту “Магніфікат”, Міжнароднага фэстывалю кароткага мэтру ў Кракаве дый яшчэ 9 розных узнагародаў.
“Мама прыйдзе” і “Шчасьце” – новыя стужкі Галіны Адамовіч.
У карціне “Мама прыйдзе” (2007, 20 хвілінаў) – двухгадовае немаўля ўпершыню трапляе ў дзіцячы садок.
Толькі што зроблены фільм “Шчасьце” (2008, 20 хвілінаў) – пра некалькі дзён з жыцьця маладой сям’і.
Тэлефон кінатэатру: 298-25-00. Адрэса: Рабочы завулак 3, ст.м. Пралетарская.
Фатаграфіі з сайту signis.by.
Каментары