У пачатку кастрычніка Беларусбанк абвясціў радасную навіну для тых, хто плануе купляць кватэру ў новабудоўлі. Цэлы месяц людзі маглі заключаць дамовы па зніжанай стаўцы.
У пятніцу стала вядома, што акцыя працягваецца да канца лістапада. Інфармацыю пацвердзілі ў кантакт-цэнтры банка, піша Onliner.by.
Нагадаем, што стаўка па крэдытах на куплю жылля, якое будуецца або гатовага ў забудоўшчыкаў, была зніжана з 16,65% да 13,75%. Скарыстацца шанцам можна было да 31 кастрычніка ўключна. Для тых, хто не паспеў узяць крэдыт за такі невялікі прамежак часу, акцыю працягнулі да 30 лістапада.
Прапанова дзейнічае ў рамках наступных крэдытных прадуктаў:
- «Крэдыт на ўзвядзенне кватэры ў шматкватэрным жылым доме»;
- «Іпатэка Экспрэс» на набыццё кватэры ці дома ў забудоўшчыкаў;
- «Час будаваць» (ГП «Віцебскі ДСК», ААТ «Магілёўскі ДСК»);
- «На набыццё кватэры ці дома ў забудоўшчыкаў».
Дарэчы, у кастрычніку яшчэ адзін банк вырашыў даць беларусам магчымасць больш выгадна набываць метры ў забудоўшчыкаў. Гаворка ідзе пра Белінвестбанк. Там стаўка па крэдытах на новабудоўлі знізілася з 15,5% да 14,9% гадавых, пры гэтым часовых рамак у прапановы няма.
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары