Жыхарку Аўстраліі, 59-гадовую Хелен Рычардс укусіў дывановы пітон, які забраўся ва ўнітаз. Інцыдэнт адбыўся, калі жанчына, што была ў сваякоў у Брысбене, пайшла ў прыбіральню, піша Бі-бі-сі.
Хелен Рычардс распавяла мясцовым журналістам, што «адчула рэзкі ўдар», калі села на ўнітаз.
«Я проста падскочыла, азірнулася і ўбачыла нешта падобнае на чарапаху з доўгай шыяй, што паўзе назад ва ўнітаз», — распавяла яна.
Каб дастаць паўтараметровага дывановага пітона, прыйшлося выклікаць прафесійнага лаўца змей.
Лаўчыха Язмін Зелены распавяла, што змеі часта хаваюцца ў прыбіральнях, калі шукаюць для сябе ваду ў гарачае надвор'е.
Па словах Зелены, неглыбокія колатыя раны Рычардс былі апрацаваныя антысептыкам, самога ж пітона Зелены назвала бяскрыўдным.
«На жаль, найбольш зручны для змяі выхад быў заблакаваны, калі Хелен села на ўнітаз, і жывёла спалохалася», — сказала лавец змей у інтэрв'ю Бі-бі-сі.
«Калі я дабралася да месца здарэння, Хелен ужо супакоілася. У гэтай сітуацыі яна павяла сябе як герой».
Дывановыя пітоны шырока распаўсюджаныя уздоўж усходняга ўзбярэжжа Аўстраліі. Яны не атрутныя, але пасля іх укусаў рэкамендуюць рабіць прышчэпку ад слупняку.
У Аўстраліі зараз лета, ужо два тыдні стаіць моцная спёка. Тэмпература паветра дасягае 47 градусаў Цэльсія.
-
Чаму хамелеоны круцяць вачыма ва ўсе бакі? Навукоўцы растлумачылі таямніцу «фатаграфічнага» позірку
-
«Нафіг візы. Я больш не буду ездзіць у краіны, якія не зацікаўленыя ў турыстах настолькі, што закрываюць межы»
-
«Ніводная краіна ў XXI стагоддзі не зможа дасягнуць сярэдняй працягласці жыцця ў 100 гадоў»
Цяпер чытаюць
Работніцы «Мінск-Арэны» далі калонію за «садзейнічанне экстрэмізму»2
Работніцы «Мінск-Арэны» далі калонію за «садзейнічанне экстрэмізму»
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары