Дарагія суайчыннікі!
Шчыра віншую вас з Раством Хрыстовым.
Гэта радаснае сямейнае свята, сагрэтае запаветамі любві і згоды, дорыць мільёнам людзей веру і надзею. Ціхая калядная ноч, азораная святлом Віфлеемскай зоркі, дапамагае стаць бліжэй адзін да аднаго, забыць крыўды і адкрыць сэрцы насустрач дабру.
У такія ўрачыстыя дні асабліва пранікнёна адчуваецца непарушнасць вечных евангельскіх ісцін, простых і вялікіх адначасова. Бо ў наш складаны і супярэчлівы век чалавецтву неабходны высокія ідэалы справядлівасці, самаахвярнасці і міласэрнасці, якія хрысціянства нясе ў свет вось ужо больш як дзве тысячы гадоў.
Няхай жыватворная атмасфера Раства заўсёды пануе ў вашых дамах, дапамагае захоўваць самыя галоўныя скарбы — душэўны спакой і добрае самаадчуванне дзяцей і блізкіх, узаемаразуменне, дружбу і вернасць, уменне дараваць і цаніць жыццё.
Жадаю вам, дарагія суайчыннікі, моцнага здароўя, поспехаў ва ўсіх справах і пачынаннях, вялікага шчасця і выдатнага настрою.
Аляксандр Лукашэнка.
Цяпер чытаюць
За падпіску на каналы трэш-блогера Мэлстроя цяпер будуць караць1
Каментары