Пешаходы пачалі перабягаць вуліцу Багдановіча, дзе вядзецца рамонт, — і ДАІ прыдумала выхад
Сеткаватую агароджу плануюць усталяваць на ўчастку вуліцы Багдановіча ад прыпынку «Оперны тэатр» у напрамку вуліцы Пашкевіч, паведамілі карэспандэнту агенцтва «Мінск-Навіны» ў аддзеле ДАІ Цэнтральнага РУУС.
Там адзначылі, што пасля закрыцця пешаходнага пераходу праз вуліцу Багдановіча ад Старажоўскай да Купалы сталі фіксавацца факты парушэння ПДР пешаходамі.
— Недысцыплінаваныя грамадзяне ў парушэнне правіл пераходзяць дарогу па вуліцы Багдановіча ад прыпыначнага пункта «Оперны тэатр» да дома № 23 і назад, што можа прывесці да цяжкіх наступстваў, — адзначыў старшы інжынер па арганізацыі дарожнага руху аддзела ДАІ Цэнтральнага РУУС Віталь Каросцік. — Часовы светлафорны аб'ект там не прадугледжаны, не плануецца абсталяваць там і пешаходны пераход. Таму прапрацоўваецца пытанне ўстаноўкі ў небяспечным месцы пешаходнай агароджы.
У ДАІ заклікаюць удзельнікаў руху выкарыстоўваць рэгуляваны пешаходны пераход, размешчаны на скрыжаванні вуліцы Багдановіча і вуліцы Пашкевіч. Прайсці да зебры трэба толькі некалькі лішніх крокаў.
Максім Знак наведаў спектакль «Зэкамерон», пастаўлены па ягонай кнізе, напісанай у СІЗА4
Каментары