«Воля, прадавай кватэру і з'язджай з гэтага горада»: што было ў перадсмяротнай запісцы смаргонскага памежніка
Памежнік кантрактнай службы Мікалай Гудзіма засіліўся ў ноч на 12 мая, ён служыў кіроўцам у Смаргонскай памежнай групе, паведамляе Радыё Свабода.
Прапаршчыку Мікалаю Гудзіму было 33 гады. У яго засталіся жонка, двое дзяцей, бацькі.
Аб прычынах смерці сваяк не бярэцца казаць і не ведае, ці яна неяк звязаная са службай.
«Люблю жонку, дзяцей. Гэта нейкія сурокі. Воля [жонка загінулага — РС], прадавай кватэру і з'язджай з гэтага горада. Мама, тата, дзякуй за ўсё», — па памяці пераказвае апошнія словы нябожчыка Юрый.
Сям’я Гудзімаў, па словах брата, была добрай, заможнай, Мікалай алкаголем не злоўжываў. Яны нядаўна набылі кватэру ў Смаргоні. Жонка таксама служыць у Смаргонскай памежнай групе.
Афіцыйны прадстаўнік Дзяржаўнага памежнага камітэту Антон Бычкоўскі пацвердзіў Радыё Свабода, што сапраўды 12 мая ў 6.30 раніцы па месцы жыхарства бацькоў было знойдзена цела вайскоўца-кантрактніка Мікалая Гудзімы.
Пакуль сцвярджаецца, што суіцыд не звязаны са службовай дзейнасцю.
Цяпер чытаюць
Стала вядома, хто лётаў на Шры-Ланку разам з Анжалікай Мельнікавай і яе агентам15
Каментары