Здагадайцеся, у колькі абышлася паездка з Гродна ў Санкт-Пецярбург на таксі
21 гадзіну доўжылася паездка жыхара Гродна ў Паўночную сталіцу Расіі. Як паведамілі «МК в Питере» прадстаўнікі сэрвісу замовы таксі, гэта была адна з самых працяглых паездак у іх гісторыі.
Фота прадстаўлена сэрвісам замовы таксі.
Вядома, заказваць таксі для паездак з горада ў горад лепш загадзя. Але жыхару Гродна захацелася ў Пецярбург «тут і цяпер». Ён выклікаў машыну, паведаміў канчатковы пункт вандроўкі і ўжо апоўдні адправіўся ў горад на Няве. У Пецярбург машына прыбыла ў 9 раніцы наступнага дня. На ўвесь 1100-кіламетровы шлях, з перапынкамі на адпачынак і прыпынкамі, у кіроўцы і пасажыра сышло каля 21-й гадзіны.
Вось толькі таннай такую паездку дакладна не назавеш. За сваё падарожжа грамадзянін Беларусі аддаў крыху больш за 300 долараў.
Каментары