Мазырскі рыбак Міхаіл Міцура ў выходныя на рацэ проста ў горадзе злавіў вялізнага сома. Даўжыня рыбы — 210 см, піша Tut.by.
У нядзелю раніцай Міхаіл адправіўся на Прыпяць парыбачыць. Узяў лодку, закінуў спінінг з прынадай і стаў сплаўляцца па плыні з квокам. Неўзабаве на іншым канцы лёскі адказалі.
— Калі ён схапіў, я зразумеў, што будзе буйны, але што такі-і-і! — да гэтага часу эмацыйны рыбак. — Як пачаў мяне цягаць па рацэ! А потым я яго ўзняў, убачыў, які ён велізарны, — у мяне аж ногі затрэсліся. Гэта такі адрэналін!
Па словах Міхаіла, барацьба з рыбай працягвалася прыкладна паўгадзіны. Затым мужчына прыняў рашэнне цягнуць сома да берага.
— Выцягнуў і тут жа паваліўся побач з ім, — успамінае няпростую рыбалку мазырчук.
Сома памералі рыбакі — яго даўжыня склала 210 см. А вось узважыць улоў не ўдалося. Але, як мяркуюць вопытныя рыбакі, вага рыбы будзе не меншай за 60 кг. За апошні час тут не прыгадваюць буйнейшага трафея.
У жніўні мінулага года ў Віцебску ў Дзвіне вылавілі сома вагой 48 кілаграмаў.
А некалькі гадоў таму Аляксандр Лукашэнка распавёў аб тым, што аднойчы на Прыпяці злавіў 57-кілаграмовага сома.
-
Чаму хамелеоны круцяць вачыма ва ўсе бакі? Навукоўцы растлумачылі таямніцу «фатаграфічнага» позірку
-
«Нафіг візы. Я больш не буду ездзіць у краіны, якія не зацікаўленыя ў турыстах настолькі, што закрываюць межы»
-
«Ніводная краіна ў XXI стагоддзі не зможа дасягнуць сярэдняй працягласці жыцця ў 100 гадоў»
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары