У Калінкавіцкім раёне хлопчык знайшоў патрон і вырашыў ударыць малатком. Усё скончылася траўмай
12 жніўня ў бальніцу быў дастаўлены 9-гадовы жыхар вёскі Аляксандраўка Калінкавіцкага раёна. У хлопчыка дыягнаставалі рваную рану пальца правай кісці, паведамляе міліцыя.
Супрацоўнікі высветлілі, што хлопчык гуляў у вёсцы каля закінутага будынка і знайшоў будаўнічы патрон, які паклаў у кішэню.
Хлопец прыйшоў у двор свайго дома. Бацька ў гэты час рамантаваў ровар. У нейкі момант тата павярнуўся да сына спінай. Хлопчык узяў у рукі малаток і ўдарыў патрон некалькі разоў. Пасля снарад выбухнуў.
У раённай паліклініцы хлопчыку аператыўна аказалі дапамогу. Яго здароўю нічога не пагражае.
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары