Пракуратура Мінскага раёна прызнала «незаконнымі і неабгрунтаванымі» рашэнні следчага Бараўлянскага аддзела Мінскага РУУС аб спыненні крымінальнага пераследу маладых людзей, якія падазраюцца ў знішчэнні памятных крыжоў у Курапатах,
а таксама аб прыпыненні папярэдняга расследавання па крымінальнай справе з‑за таго, што не ўстаноўлена асоба, якая падлягае да прыцягнення да адказнасці ў якасці абвінавачанага. Пра гэта гаворыцца ў лісце ад 30 студзеня намесніка пракурора Мінскага раёна Эрнеста Кайро старшыні Беларускага добраахвотнага таварыства аховы помнікаў гісторыі і культуры Антону Астаповічу.
Намеснік пракурора паведаміў, што рашэнні следчага адмененыя і 29 студзеня крымінальная справа з указаннямі накіраваная ў Мінскае РУУС для дадатковага папярэдняга расследавання.
20 студзеня А.Астаповіч звярнуўся ў пракуратуру Мінскага раёна з просьбай праверыць абгрунтаванасць і законнасць спынення крымінальнага пераследу маладых людзей, якія падазраюцца ў знішчэнні памятных крыжоў у Курапатах.
Нагадаем, што 12 студзеня Бараўлянскім аддзелам Мінскага РУУС спынены крымінальны пераслед двух непаўналетніх мінчан, затрыманых у Курапатах увечары 1 лістапада 2008 года грамадскімі актывістамі і падазроных у знішчэнні памятных крыжоў. Спыненне крымінальнага пераследу матывуецца тым, што доказаў, атрыманых падчас расследавання, недастаткова для перадачы справы ў суд і прыцягнення да крымінальнай адказнасці двух маладых людзей, навучэнцаў школы і прафтэхвучылішча.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары