«Бацька літоўскай незалежнасці» звярнуўся да найбагацейшага чалавека свету
Літоўскі палітык Вітаўтас Ландсбергіс напісаў адкрыты ліст самаму багатаму чалавеку ў свеце Джэфу Безасу з просьбай спыніць продаж тавараў з савецкай сімволікай на яго рэсурсе Amazon. Тэкст звароту Ландсбергіс апублікаваў у Facebook.
Ён выказаў абурэнне тым, што на найбуйнейшым у свеце рытэйл-рэсурсе «распаўсюджваюцца тавары са знакамі камуністычнай тыраніі СССР, якая здзяйсняла ваенныя злачынствы і ажыццяўляла генацыд сумесна з гітлераўскім рэжымам». У прыватнасці, яго абразілі канапавыя падушкі і дзіцячыя футболкі, на якіх намаляваны серп і молат.
Нягледзячы на сваё абурэнне, літоўскі палітык не выступае з абвінавачваннямі ў адрас Безаса, дапускаючы, што ён «асабіста мог пра гэта і не ведаць». Менавіта таму ён напісаў гэты ліст — з мэтай звярнуць увагу бізнэсмена на праблему і дамагчыся яе рашэння. Акрамя таго, палітык адзначыў, што дата публікацыі яго звароту не выпадковая — ён апублікаваў яго напярэдадні 80-й гадавіны падпісання пакта Молатава — Рыбентропа. Паводле яго слоў, спыніць продаж тавараў з савецкай сімволікай 23 жніўня, у дзень падпісання пакта, — гэта «самы зручны час».
Тэкст свайго допісу Ландсбергіс суправадзіў хэштэгам
#ЧамуНеСвастыка.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай6
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3232
Каментары