БПС-Сбербанк стаў афіцыйным партнёрам Федэрацыі хакея Беларусі. Мемарандум аб супрацоўніцтве паміж дзвюма арганізацыямі падпісаны ў Мінску старшынёй праўлення БПС-Сбербанка Ігарам Меркулавым і старшынёй Федэрацыі хакея Беларусі Генадзем Савілавым.
Стратэгічнае супрацоўніцтва накіравана на павышэнне іміджу дзвюх арганізацый, развіццё хакея з шайбай і папулярызацыю здаровага ладу жыцця ў Беларусі. БПС-Сбербанк і Федэрацыя хакея дамовіліся рэалізаваць сацыяльна-спартыўныя і фінансавыя праекты. А яшчэ — праводзіць сумесныя мерапрыемствы. Супрацоўніцтва таксама прадугледжвае размяшчэнне брэнда банка на бартах лядовых арэн падчас хакейных матчаў.
Банк акажа федэрацыі спонсарскую дапамогу, якая паслужыць развіццю дзіцячага хакея. Акрамя таго, банк правядзе розныя актыўнасці, накіраваныя на павышэнне цікавасці да хакея ў Беларусі.
Падпісанне мемарандума стала часткай цырымоніі адкрыцця хакейнага сезона 19/20 матчам паміж камандамі «Юнацтва-Мінск» і «Нёман» (Гродна). У рамках падпісанага дакумента федэрацыя хакея таксама ўзяла на сябе абавязацельствы ў прасоўванні брэнда банка, у тым ліку праз удзел у важных хакейных падзеях. Зараз федэрацыя займаецца падрыхтоўкай і арганізацыяй чэмпіянату свету па хакеі 2021, правы на правядзенне якога атрымалі Беларусь і Латвія.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!2
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары