У Мінску прайшлі бясплатныя заняткі BMW Motorrad Academy. Аўтацэнтр «Аўтаідэя» сабраў разам уладальнікаў матацыклаў розных вытворцаў, каб навучыць пазбягаць аварый і правільна дзейнічаць у небяспечных сітуацыях. На месцы разабралі гучныя ДТЗ апошніх гадоў.
Курс накіраваны на засваенне навыкаў контраварыйнага кіравання. Майстэрства прышчапляў заснавальнік і кіраўнік «Моташколы №1» у Санкт-Пецярбургу, аўтар курсаў па навучанні ваджэнню матацыклаў BMW. Ён жа выступае галоўным інструктарам па контраварыйнай падрыхтоўцы мотабатальёнаў Беларусі і Санкт-Пецярбурга.
Заняткі пачаліся з аналізу статыстыкі і прычын ДТЗ. Шмат часу адвялі пад навучанне навыкам кіравання. Таксама разабралі тыповыя дарожныя сітуацыі, у тым ліку аварыйныя. У прыватнасці, разгледзелі схемы праходжання паваротаў і скрыжаванняў. Заадно распавялі, як бяспечна перамяшчацца ў калоне і з пасажырам.
Інструктар паказаў асноўныя манеўры на навінцы гэтага года — спортбайку BMW R1250GS. Асобныя элементы Іван Панфілаў адпрацаваў на багеры BMW K1600B.
BMW Motorrad Academy збірае беларускіх матацыклістаў двойчы на год. Павышаць свае навыкі могуць усе ахвотыя. Для ўладальнікаў байкаў распрацавалі двухузроўневы курс з тэарэтычнымі і практычнымі заняткамі.
«Цікавасць да матацыклаў сярод беларусаў толькі расце, так што мы ўносім свой уклад у павышэнне майстэрства іх уладальнікаў. BMW Motorrad Academy адкрыта для ўсіх ахвотных, незалежна ад маркі матацыкла. Перш за ўсё мы імкнёмся зрабіць так, каб аварый з удзелам матацыклаў было менш. Акрамя таго, на занятках можна навучыцца новым для сябе манеўрам і больш упэўнена адчуваць сябе за рулём», — адзначаюць у аўтацэнтры« Аўтаідэя».
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме26
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары