Гэта здарылася ў нядзелю, 22 верасня, у вёсцы Карытніца Ільянскага сельсавета.
Дачнікі са сталіцы прыехалі на лецішча. Займаліся сельскагаспадарчымі справамі, а іх 11-гадовы сын гуляў.
Побач з участкам гаспадароў-мінчан ёсць яшчэ адзін участак. Там ніхто не жыве і стаіць закінуты хлеў.
Каля хлява хлопчык заўважыў падазроны металічны прадмет і паклікаў бацькоў.
Дарослыя патэлефанавалі ў РАУС, міліцыя выклікала сапёраў.
На месцы спецыялісты пацвердзілі, што знаходка — граната Ф-1 часоў Другой сусветнай вайны.
Гранату вывезлі і абясшкодзілі, расказалі карэспандэнту «Рэгіянальнай газеты» ў Вілейскім РАУС.
Па словах спецыялістаў, хлопчык ведаў, як выглядала граната. Заўважыў, што ў бацькі была парфума ў падобнай бутэльцы.
Сілавікі расказалі, як гродзенскія блогеры трацілі мільён, сабраны нібыта на лячэнне дзіцяці5
Каментары