З'явіцца першы Цэнтр дапамогі пацярпелым у ДТЗ, якія знаходзяцца ў вегетатыўным стане
На дарогах Беларусі ў ДТЗ штогод атрымліваюць шкоду здароўю 3 з паловай тысячы чалавек. Каля трох працэнтаў з іх доўгі час знаходзяцца ў вегетатыўным стане. Гэта значыць, што ў іх істотна пашкоджаны галаўны мозг. Яны не рэагуюць на самога сябе і на навакольны свет, хоць працягваюць жыць, піша Звязда.
Першы ў краіне адмысловы цэнтр дапамогі такім людзям і іх сваякам адчыніць дзверы 26 верасня ў Рэспубліканскім клінічным шпіталі інвалідаў Вялікай Айчыннай вайны. Адбылося гэта пры садзейнічанні дабрачыннага фонда «Бяспечныя дарогі». Ён інвеставаў у адкрыццё цэнтра вялікія грошы — 250 тысяч еўра.
Як зазначыла намеснік начальніка галоўнага ўпраўлення — начальніка ўпраўлення медыцынскай экспертызы Міністэрства аховы здароўя Ірына Кірэева, у цэнтры будзе арганізаваны рэгістр пацыентаў, якія знаходзяцца пасля ДТЗ у вегетатыўным стане, а сваякоў навучаць прыёмам догляду за такімі хворымі. Цэнтр аснашчаны самым сучасным абсталяваннем і разлічаны на шэсць коек. Першыя пацыенты ўжо праходзяць у ім лячэнне.
Цяпер чытаюць
Новая аблава: затрымалі дзясяткі сваякоў палітвязняў і тых, хто ім дапамагаў — што вядома36
Каментары