Маладафронтаўца аштрафавалі на 510 рублёў за дзве кветкі да помніка Янку Купалу
Судзьдзя Іван Касьцян з Цэнтральнага раённага суду Менска аштрафаваў на 20 базавых велічыняў (510 рублёў) сябра «Маладога фронту» Максіма Ўрбановіча. Паводле пастановы суду — за ўдзел у несанкцыянаванай масавай акцыі ў парку Янку Купалы 25 жніўня, піша Радыё Свабода.
Актывіст зьбіраецца абскарджваць пастанову судзьдзі, бо лічыць пакараньне незаконным, а міліцэйскі пратакол сфальшаваным. Максім Урбановіч кажа, што ні пікетаваньня, ні іншай масавай акцыі 25 жніўня ў парку Янкі Купалы маладафронтаўцы не праводзілі.
«У той дзень мы арганізавалі роварны прабег празь Менск ў Курапаты, нас было чацьвёра, — расказаў Максім Урбановіч. — Спачатку наведалі Чырвоны касьцёл і там правялі малітву за Беларусь, а адтуль даехалі на роварах да парку Янкі Купалы.
Там усклалі кветкі і зьнічкі да помніка, сфатаграфавалаіся зь бел-чырвона-белымі сьцягамі і паехалі далей праз горад. Ехалі са сьцягамі, нас ніхто не спыняў. І ў парку ў нас плякатаў не было, лёзунгаў не выкрыкавалі».
На працэсе сьведка, супрацоўнік менскай міліцыі Сяргей Астаф’еў, у сваіх паказаньнях фактычна пацьвердзіў, што пікету ці масавай вулічнай акцыі ў той дзень ў парку Янкі Купалы маладафронтаўцы не праводзілі.
Паводле паказаньняў міліцыянта, падзеі, у якіх браў удзел Максім Урбановіч, доўжыліся ня болей за 3-4 хвіліны і складаліся ўсяго з трох дзеяньяў:
«Паклалі сьвечкі, дасталі сьцягі і сфатаграфаваліся. Але дазволу на акцыю ад Менгарвыканкаму не было», — паведаміў суду міліцыянт.
Адным са сьведак на працэсе быў брат Максіма Ўрбановіча, старшыня «Маладога фронту» Дзяніс Урбановіч. Актывіст паведаміў, што яны сфатаграфаваліся пад гістарычным бел-чырвона-белым сьцягам ды кветкамі і зьнічкамі, «ушанавалі памяць народнага паэта Янкі Купалы». Паводле Ўрбановіча, гэта заняло ня больш за паўтары хвіліны.
«Хіба на тое, каб сфатаграфавацца ля помніка, патрэбен дазвол Менгарвыканкаму? Калі так, дык пакажыце мне такі закон», — зьвярнуўся актывіст да суду. Адказу не было.
Паводле Дзяніса Ўрбановіча, роварны прабег 25 жніўня маладафронтаўцы прысьвяцілі абвяшчэньню незалежнасьці Беларусі, якое адбылося 29 жніўня 1991 году. Папярэдне яны зьмясьцілі інфармацыю аб прабегу ў інтэрнэце
-
Блогер з Гродна, якога абвінавацілі ў махлярстве на грашах для хворага дзіцяці, у інстаграме пракаментаваў сваю справу
-
МЗС Беларусі паведаміў, калі адкрыецца мяжа для літоўскіх грузавікоў
-
«Некаторых маіх сяброў беларушчынай перакармілі». Як нарадзіцца і ўсё жыццё пражыць у Сібіры, а лічыць сябе беларускай?
Цяпер чытаюць
Лосік расказаў, як Бабарыку катавалі ў наваполацкай калоніі10
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х88
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х8
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары