Макей рэзка пра Бабіча: Калі гучаць заявы «я не дыпламат, я вайсковец», значыць не трэба было ісці на дыпламатычную службу
У інтэрв'ю РБК міністр замежных спраў Беларусі Уладзімір Макей распавёў пра чаканні ад новага пасла Расіі Дзмітрыя Мезенцава і ахарактарызаваў стыль працы былога пасла Міхаіла Бабіча.
«Мы настроены на працу з любым прадстаўніком, любым паслом, якога накіруе Расія. Мы працавалі і з Бабічам, сустракаліся шмат разоў і абмяркоўвалі розныя пытанні, працуем выдатна і з Дзмітрыем Фёдаравічам Мезенцавым. Самае галоўнае ў тым, што калі ты сустракаешся і дамаўляешся пра нешта, то гэтыя дамоўленасці павінны выконвацца. Калі ж не, калі парушаюцца нейкія рэчы, якія ў дыпламатыі прынята лічыць важнымі, святымі нават, то пра што тады казаць …
Ну, і потым, калі гучаць заявы «я не дыпламат, я вайсковец», значыць, тады, напэўна, не трэба было ісці на дыпламатычную службу», — сказаў У. Макей.
— Ці можна сказаць, што Бабіч сабе дазваляў лішняе?
«Я думаю, што ў дыпламатыі важна гаварыць адкрыта і шчыра. Калі існуюць праблемы, то не спрабаваць схаваць іх за нейкімі прычэсанымі дыпламатычнымі выразамі. Але ёсць яшчэ адно правіла, звязанае з тым, што лепш абмяркоўваць праблему, калі яна існуе, ў закрытым фармаце.
Спрабаваць вырашыць праблему праз вынясенне яе на публічнае абмеркаванне і праз СМІ — абсалютна неэфектыўны метад, і ён ніколі не прынясе аддачы і карысці.
Таму мы настроены на спакойную нармальную працу з пасольствам Расіі. Яшчэ раз паўтаруся, мы гатовыя працаваць з любым паслом, з любым прадстаўніком, якога накіруе Расія, але важна выконваць адпаведныя правілы паводзінаў і нормы дыпламатычнага пратаколу і этыкету», — дадаў міністр замежных спраў.
Макей: Падчас абмеркавання плана інтэграцыі з расійскага боку гучалі «абсалютна непрымальныя прапановы»
Цяпер чытаюць
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам22
Каментары