У Эстоніі мужчына сам патэлефанаваў у паліцыю і паведаміў, што п'яным сядзе за руль
Паліцыя распавяла ў сацсетках аб адным незвычайным выпадку, калі п'яны мужчына патэлефанаваў у паліцыю і паведаміў, што хутка сядзе за руль, піша Tartu Postimees.
На выходных у паліцыю паступіў званок ад жыхара Йыгева, які распавёў, што выпіў вялікую колькасць гарэлкі і зараз паедзе на машыне: «Ведаю, што нельга, але трэба і хто мне можа забараніць?»
Патруль накіраваўся да яго дома. Нецвярозы чалавек быў рады з'яўленню паліцэйскіх і нават паціснуў ім рукі. Ён добраахвотна аддаў патрулю ключы ад аўтамабіля, каб не сесці п'яным за руль.
Раніцай ён зноў патэлефанаваў у паліцыю, каб падзякаваць вартавым правапарадку. «Быў п'яны і павінен быў ехаць, але паліцыя забрала ключы. Хачу падзякаваць паліцэйскім, усё было зроблена правільна, усё ў парадку і самага страшнага не адбылося. Сіл і здароўя ўсім вам!»
Цяпер чытаюць
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам11
Каментары