Лукашэнка падзякаваў аўстрыйскім лідарам за прыём беларускай дэлегацыі ў Вене
Аляксандр Лукашэнка накіраваў лісты федэральнаму прэзідэнту Аўстрыі Аляксандру Ван дэр Белену, старшыні Аўстрыйскай народнай партыі Себасцьяну Курцу і старшыні Нацыянальнай рады Аўстрыі Вольфгангу Саботку за цёплы прыём і гасціннасць, аказаныя беларускай дэлегацыі ў час афіцыйнага візіту ў Аўстрыю. Пра гэта БЕЛТА паведамілі ў прэс-службе беларускага кіраўніка.
«Высока ацэньваю атмасферу адкрытасці і ўзаемнай павагі, у якой прайшлі перамовы ў Вене. Размовы шырокага кола пацвердзіла наяўнасць значнага патэнцыялу развіцця беларуска-аўстрыйскіх адносін у розных галінах і зацікаўленасць бакоў у паглыбленні ўзаемавыгаднага супрацоўніцтва», — гаворыцца ў лісце Аляксандру Ван дэр Белену. Кіраўнік беларускай дзяржавы выказаў упэўненасць у тым, што рэалізацыя дасягнутых дамоўленасцей дазволіць краінам выйсці на якасна новы ўзровень узаемадзеяння, у першую чаргу ў гандлёва-эканамічнай сферы.
Аляксандр Лукашэнка падзякаваў Себасцьяну Курцу за змястоўную гутарку, якая прайшла ў традыцыйна цёплай і добразычлівай атмасферы. Бакі абмеркавалі шырокае кола пытанняў двухбаковага парадку дня, абмяняліся думкамі па актуальных міжнародных праблемах. «З задавальненнем адзначаем нязменную блізкасць нашых поглядаў на шматлікія выклікі, якія стаяць перад абедзвюма краінамі і Еўропай у цэлым, і шляхі іх вырашэння, а таксама глыбокую узаемную зацікаўленасць у развіцці беларуска-аўстрыйскага супрацоўніцтва, у тым ліку ў галіне эканомікі, — падкрэсліў Лукашэнка. — Спадзяюся на працяг нашага прыязнага дыялогу і заўсёды буду рады вітаць вас на беларускай зямлі».
Цяпер чытаюць
Да «Дня народнага адзінства» памілавалі 25 чалавек4
Каментары