Баскетбалісты «Цмокi-Мiнск» атрымалі першую перамогу ў Адзінай лізе ВТБ, паведамляе БелТА.
Сёння пасля сямі паразаў запар «Цмокі» нарэшце дамагліся вікторыі, адолеўшы ў Таліне эстонскі «Калеў» з лікам 84:79 (20:24, 20: 7, 20:27, 24:21). Першую чвэрць госці прайгралі з розніцай у 4 балы, а ў другой згулялі значна мацней і сышлі на вялікі перапынак з перавагай у 9 ачкоў - 40:31. У трэцяй дзесяцімінутцы гаспадары кінуліся ў пагоню, скараціўшы разрыў да двух ачкоў, а ў апошнім перыядзе госці зноў былі лепшыя і выйгралі з перавагай у 5 балаў.
Наступны матч «банкаўскага» турніру падапечныя Расціслава Вергунова правядуць 15 снежня ў гасцях у польскага клуба «Зялёна Гура».
Да таго, 11 снежня, «Цмокi» стартуюць у другім групавым этапе розыгрышу Кубка ФІБА-Еўропа выязным паядынкам з ізраільскім «Іроні».
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары