У Аўстрыі легкавік збіў трох дальнабойшчыкаў з Беларусі, што пераходзілі дарогу. Адзін з іх загінуў
У мінулую суботу ў Аўстрыі італьянскі кіроўца збіў на дарозе трох мужчын — гэта былі беларускія дальнабойшчыкі, паведамляе Tut.by.
ДТЗ адбылося каля 12.00 у суботу ў аўстрыйскім горадзе Арнольдштайн, непадалёку ад мяжы з Італіяй і Славеніяй.
Легкавы аўтамабіль ехаў па заснежанай дарозе, а па супрацьлеглым баку ў гэты час ішлі тры пешаходы. Як мяркуецца, легкавік пры павароце направа занесла на людзей і іх прыціснула да агароджы або адкінула ў яе бок. Магчыма, адзін чалавек ад удару адляцеў у лес.
Дапамога пацярпелым прыйшла позна. У выніку аварыі два чалавекі атрымалі траўмы, адзін загінуў.
Па дадзеных паліцыі, пацярпелыя пешаходы — беларускія кіроўцы грузавікоў, якія працавалі на літоўскую кампанію. На выходных яны прыпаркавалі свае машыны ў мястэчку Тэрл-Маглерн і мелі намер хадзіць па крамах пешшу. За рулём легкавога аўто, які здзейсніў ДТЗ, быў 73-гадовы італьянец, які пражывае ў Аўстрыі.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць11
Каментары