Ён выходзіць на паляванне ўначы, ламае платы і забівае птушку. Але пры гэтым не есць, а пакідае здабычу, паведамляе tvr.by.
Жыхарка вёскі Вялікія Матыкалы Ірына Зданевіч са шкадаваннем азірае апусцелы курнік: за ноч у гаспадыні загінула 50 курэй. Застаўся певень і пара курыц.
Па словах Ірыны, няпрошанага госця не спалохалі нават дзве вартавыя сабакі. Шкода пасля візіту драпежніка падлічвае і пэнсіянэрка Алена Янчук — яна жыве праз некалькі вуліц ад Ірыны. Кажа, невядомы задушыў і раскідаў свойскую птушку па ўсім гародзе.
Ахвярамі невядомага драпежніка ў вёсцы сталі тры сотні курэй. На паляванне ён выходзіць ноччу: пераскоквае праз платы і ламае металічныя агароджы.
Вёска Вялікія Матыкалы немаленькая: 2300 жыхароў. Але чутка пра чупакабру разляцелася за лічаныя гадзіны. З-за таямнічага драпежніка некаторыя баяцца адпускаць дзяцей адных на вуліцу.
Да гісторый пра фантастычную чупакабру спецыялісты ветэрынарных службаў ставяцца з іроніяй. Па іх словах, у масавай гібелі свойскай птушкі, хутчэй за ўсё, вінаваты лясны жыхар.
«Малаверагодна, што жывёла выбірае па палавой прыкмеце. Хутчэй за ўсё, певень досыць буйны і таму звер не спрабуе на яго нападаць. Хутчэй за ўсё, гэта быў альбо тхор, альбо недастаткова буйная куніца ці ласка. Таму што ласка можа знішчыць гэтых курэй колькі заўгодна», - кажа Аляксей Муха, галоўны ўрач ветэрынарнай лячэбніцы.
Які менавіта звер арудаваў у вёсцы - застаецца толькі здагадвацца. Пацярпелыя напісалі заяву ўчастковаму. І пакуль ідзе праверка, мясцовыя жыхары ўмацоўваюць платы — на ўсялякі выпадак.
-
Кажуць, Польшча дабілася найбольшага прагрэсу ў свеце па бяспецы для ЛГБТ-падарожнікаў. А дзе ў рэйтынгу Беларусь?
-
Растварыць і змыць у каналізацыю: у свеце набірае папулярнасць тэхналогія «воднай крэмацыі» памерлых
-
На Чыгірынскім вадасховішчы рыбакі замест рыбы дасталі з вады тое, чаго зусім не чакалі
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары