Улада88

Макей на прыёме ў гонар Касцюшкі цытаваў Бжэзінскага. А Марзалюк зладзіў яму авацыю

«Збігнеў Бжэзінскі назваў Тадэвуша Касцюшку цудоўным героем дзвюх братэрскіх нацый — палякаў і беларусаў, які змагаўся не толькі за сваю свабоду, але і за свабоду амерыканцаў», — заявіў міністр замежных спраў Беларусі Уладзімір Макей на прыёме ў гонар дня нараджэння Тадэвуша Касцюшкі.

«Як і для Беларусі, шлях да суверэнітэту ЗША, Польшчы і Літвы быў доўгім і цяжкім», — адзначыў беларускі міністр.

Сённяшні прыём на сёмым паверсе гатэля DoubleTree by Hilton быў незвычайны.

Незвычайны, таму што найчасцей прыёмы дае адна краіна, а запрашэнні на сённяшнюю імпрэзу мінскі бамонд атрымаў ад імені адразу двух дыпламатаў: пасла Польшчы Артура Міхальскага і часовага паверанага ў справах ЗША ў Беларусі Джэніфэр Мур.

Больш за тое, на прыёме прысутнічалі адразу два міністры замежных спраў: беларускі Уладзімір Макей і літоўскі Лінас Лінкявічус.

Да ўдзельнікаў прыёму ў відэазапісе звярнуліся таксама дзяржсакратар ЗША Майк Пампеа і міністр замежных спраў Польшчы Яцак Чапутовіч.

Аб'яднаў чатыры краіны ўраджэнец Беларусі, патрыёт Рэчы Паспалітай і герой вайны за незалежнасць ЗША Тадэвуш Банавентура Касцюшка.

Хоць дата не круглая — 274-я гадавіна са дня нараджэння, але атмасфера на прыёме была асаблівая, і гэта звязанае з тымі пераменамі, якія адчуваюцца ў адносінах Беларусі і краін Захаду.

Раней дзень нараджэння Касцюшкі ў Мінску так не адзначаўся.

Фота Надзеі Бужан.

«Наша мерапрыемства прысвечанае аднаму з самых вядомых і славутых у свеце ўраджэнцаў Беларусі Тадэвушу Касцюшку, імя якога важна для Беларусі, ЗША, Польшчы і, з улікам гістарычнага кантэксту, Літвы. Нас прыцягвае ў Касцюшку неверагодны размах яго асобы», — сказаў Уладзімір Макей.

«Паўсюдна Тадэвуш Касцюшка пакінуў па сабе глыбокі і незабыўны след», — перакананы кіраўнік беларускага МЗС.

Як адзначыў Уладзімір Макей, заслугі Тадэвуша Касцюшкі былі высока ацэненыя яшчэ пры жыцці. Ён атрымаў ганаровае амерыканскае і французскае грамадзянствы. Атрымліваў таксама шчодрыя грашовыя і зямельныя падарункі, у тым ліку ад кангрэсу ЗША, брытанскага парламента, урадаў Швецыі і Францыі, расійскага імператара Паўла I.

«Выхадзец з тэрыторыі сённяшняй Брэсцкай вобласці Тадэвуш Касцюшка ў прамым сэнсе слова заклаў камень у падмурак адной з самых паважаных у ваеннай сферы навучальных устаноў — Ваеннай акадэміі ЗША ў Вэст-Пойнце. Дарэчы, днямі ў Беларусі з візітам знаходзіўся адзін з былых студэнтаў гэтай акадэміі, дзяржаўны сакратар ЗША Майкл Пампеа, з якім была размова аб неабходнасці далейшага развіцця двухбаковых адносін. Ён таксама сказаў, што кожны ў акадэміі ведае імя Тадэвуша Касцюшкі. Сённяшняе мерапрыемства шмат у чым з'яўляецца яркім працягам гэтага візіту».

Міністр замежных спраў Беларусі звярнуў увагу, што ёсць розныя меркаванні датычна дзейнасці Тадэвуша Касцюшкі, як, дарэчы, кожнай выключнай асобы ў гісторыі. «Але, нягледзячы на ​​неадназначнасць ацэнак фігуры Касцюшкі, не ставіцца пад сумнеў велічыня яго ўздзеяння на людзей і ход гістарычных падзей», — заявіў Уладзімір Макей.

Кіраўнік замежнапалітычнага ведамства таксама заявіў, што Беларусь з павагай ставіцца да агульнай гісторыі, нават калі ў ёй ёсць спрэчныя старонкі. Не трэба дзяліць, каму больш — Беларусі, Літве, Польшчы, ЗША ці нават Швейцарыі або Францыі належыць імя Касцюшкі», — лічыць міністр.

Кожную прамову прысутныя сустрэлі апладысментамі. Падкрэслена доўга і эмацыйна пасля прамовы Уладзіміра Макея пляскалі дэпутат Палаты прадстаўнікоў Ігар Марзалюк і доктар гістарычных навук Валянцін Голубеў, якія стаялі ў гэты момант побач.

Варта адзначыць, што раней Ігар Марзалюк не раз даказваў, што Касцюшка — герой польскі, а не беларускі.

Каментары8

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі8

У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі

Усе навіны →
Усе навіны

Зяленскі ўпершыню з’явіўся на саміце NATO ў касцюме — але не ў класічным16

З'явіўся рэйтынг самых дарагіх гарадоў свету. На якім месцы Мінск?10

Шматдзетную маму, якая займаецца астралогіяй, асудзілі за ўдзел у пратэстах8

Апублікаваны рэйтынг самых дарагіх краін для жыцця. На якім месцы Беларусь?4

У Лагойску сутыкнуліся два аўтобусы

У Арменіі заявілі пра прадухіленне спробы захопу ўлады2

Вярнуўся з Літвы — і быў арыштаваны за данаты. Гэты біёлаг раней даследаваў лейкозы — яго філасофія натхняе10

Юрый Антонаў расказаў, як ён змагаецца з перападамі ціску. Кажа, яму вельмі гэта дапамагае14

Яшчэ ў адной мінскай краме запрацавала сістэма з талонамі ў чаргу, як у банку1

больш чытаных навін
больш лайканых навін

У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі8

У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі

Галоўнае
Усе навіны →

Заўвага:

 

 

 

 

Закрыць Паведаміць