Сяголетні студзень быў самым цёплым у Беларусі за ўсю гісторыю метэаназіранняў
Студзень 2020 года ў Беларусі быў самым цёплым за ўсю гісторыю метэаназіранняў, паведамляе Белгідрамет.
Сярэдняя па Беларусі тэмпература паветра ў студзені склала +1,1 градуса, што вышэй за кліматычную норму на 5,5 градуса. Такі цёплы студзень за ўсю гісторыю метэаназіранняў адзначаецца ўпершыню.
Найбольшыя станоўчыя адхіленні тэмпературы паветра ад кліматычнай нормы адзначаныя ў Віцебскай вобласці, найменшыя — у Брэсцкай. Усе тры дэкады студзеня былі цёплымі, а самай цёплай — трэцяя з сярэдняй тэмпературай паветра на 6 градусаў вышэй за норму. Тэмпература першай і другой дэкадаў перавышала кліматычную норму на 4,7 і 5,8 градуса адпаведна.
За месяц у сярэднім па Беларусі выпала 36,8 мм ападкаў, што складае 92% кліматычнай нормы. Па тэрыторыі краіны ападкі распаўсюджваліся нераўнамерна. Найбольшая іх колькасць адзначана на тэрыторыі Віцебскай вобласці (91% кліматычнай нормы), найменшая — на тэрыторыі Брэсцкай вобласці (72%). Ападкі выпадалі ў асноўным у выглядзе дажджу, снегу і мокрага снегу.
Цяпер чытаюць
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП15
Каментары