Злучэнне 2-й і 3-й ліній метро плануюць правесці 21 і 22 сакавіка. Участак ад Фрунзенскай да «Каменнай Горкі» закрыюць
Урэзку стрэлкі паміж Аўтазаводскай і Зялёналужскай лініямі метрапалітэна намечана правесці ў трэцяй дэкадзе сакавіка, паведамілі «Мінск-навінам» ва УП «Мінскметрабуд».
Як адзначыў генеральны дырэктар УП «Мінскметрабуд» Леанід Стухальскі, меркавана 21 і 22 сакавіка (субота — нядзеля) часова будзе закрыты ўчастак падземкі ад станцыі «Фрунзенская» да станцыі «Каменная Горка». У гэты перыяд метрабудаўнікі плануюць правесці ўрэзку стрэлкі, злучэнне рэйкавых шляхоў паміж дзеючай Аўтазаводскай і новай Зялёналужскай лініямі.
— Ветка з'ездаў будзе рабіцца на перагоне ад станцыі «Плошча Францішка Багушэвіча» і выйдзе паміж станцыямі «Фрунзенская» і «Маладзёжная, — адзначыў Стухальскі. — Тэхнічна гэта вельмі складаная задача. На перыяд правядзення гэтых работ прадпрыемствам «Мінсктранс» будзе арганізаваны кампенсацыйны наземны транспарт з прыпынкамі ля кожнай станцыі метрапалітэна».
Станцыя «Каменная Горка» з'яўляецца адной з самых загружаных у сталічнай падземцы. У мінулым годзе яе паслугамі скарысталіся звыш 22,4 млн пасажыраў.
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары