Даследчык MediaIQ: Недзяржаўныя СМІ ссоўвалі акцэнты, быццам улады судзілі не за ўдзел у недазволенай акцыі, а за пазіцыю
Ініцыятыва MediaIQ працягвае праводзіць маніторынг беларускіх медыярэсурсаў, шукаючы ў іх праявы маніпуляцыі. Праект рэалізуе «Прэс-Клаб» пры падтрымцы USAID і Міжнароднай арганізацыі PACT.
28 лютага была апублікаваная чарговая справаздача па выніках студзеня 2020 года. Яе складальнік — Раман Стэфаненка.
Даследчык акцэнтаваў увагу на самую частую праяву маніпуляцый, якая, па яго падліках, сустракалася ў медыя (52 разы). Гаворка ідзе пра асвятленне недзяржаўнымі СМІ (у тым ліку і «Нашай Нівай») шматлікіх судоў над удзельнікамі акцый у падтрымку незалежнасці Беларусі і супраць інтэграцыі з Расіяй.
За два месяцы прайшло больш за 200 судоў, агульная сума штрафаў склала амаль $65 тысяч. 13 удзельнікаў акцыяў былі асуджаныя агулам на 375 сутак арышту.
Праваабаронцы «Вясны» перакананыя, што ў Беларусі парушаецца замацаванае Канстытуцыяй права грамадзян на свабоду мірных сходаў і асацыяцый. Удзельнікі мірных сходаў не парушалі грамадскі парадак, правілы дарожнага руху і не ўяўлялі пагрозы грамадскай бяспецы, а таксама не парушалі правы і свабоды іншых асобаў.
Тым не менш даследчык Раман Стэфаненка мяркуе, што недзяржаўныя СМІ некарэктна асвятлялі суды.
«Асвятляючы суды, недзяржаўныя СМІ акцэнтавалі, што ўдзельнікі пратэстаў абаранялі дзяржаўнасць. Пры гэтым у большасці навін не згадвалася, што акцыі былі несанкцыянаванымі. У выніку ў тэкстах ссоўваўся акцэнт, быццам улады судзілі не за ўдзел у недазволенай акцыі, а за пазіцыю», — тлумачыць Раман Стэфаненка ў справаздачы MediaIQ.
«Удзельнікаў пратэстаў называлі абаронцамі незалежнасці, быццам дзяржава карала пратэстуючых за абарону суверэнітэту», — наракае ён.
Чытайце:
«Ці ўтрымлівае эсэ «Незалежнасць — гэта…» лозунгі супраць інтэграцыі?»: як судзілі пісьменніка Уладзіміра Арлова
«У мяне не сярэдняя адукацыя, я кандыдат навук!» Як судзілі пасла Пятра Садоўскага
Лявону Баршчэўскаму ў пратаколе напісалі, што ў яго сярэдняя адукацыя. Справу адправілі на дапрацоўку ФОТЫ
Цяпер чытаюць
Лукашэнку пасадзілі на Парадзе ў Маскве з Пашынянам, а Сі Цзіньпіна з Пуціным15
Лукашэнку пасадзілі на Парадзе ў Маскве з Пашынянам, а Сі Цзіньпіна з Пуціным
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары