Канапацкая не паведаміла, ці будзе вылучацца самастойна на прэзідэнцкія выбары
Фота Надзеі Бужан
Ганна Канапацкая не паведаміла, ці будзе ісці самастойнай кандыдаткай на прэзідэнцкія выбары ў 2020 годзе.
Яна падкрэсліла, што прэзідэнцкая кампанія пачынаецца пасля таго, як афіцыйна будзе абвешчаная дата выбараў. «Пра свае намеры я скажу пасля абвяшчэння пачатку прэзідэнцкай кампаніі», — заявіла Канапацкая ў эфіры Еўрарадыё.
Канапацкая заявіла, што дагэтуль не атрымала афіцыйнага дакумента ад аргкамітэту дэмакратычных праймерыз, які выкрэслівае яе з ліку прэтэндэнтаў. Таксама яна адмовілася забіраць свой унёсак у 500 еўра (які плаціў кожны з прэтэндэнтаў), пакуль не атрымае афіцыйнай адмовы.
Каментары