Вязень сумлення Дзмітрый Казлоў (блогер Шэры Кот) да і пасля вызвалення ФОТАФАКТ
Гэтаму хлопцу з Оршы ў калоніі магло быць асабліва голадна, бо ён сірата і яшчэ нежанаты — многім палітвязням улады забаранілі перадачы.
Дзмітрый Казлоў — блогер ютуб-канала «Шэры кот». Ён скончыў чатыры курсы Горацкай сельскагаспадарчай акадэміі па спецыяльнасці «аграном». Блогерствам зацікавіўся ў 2017 годзе, калі многія людзі выказвалі незадаволенасць «дармаедскім» дэкрэтам. Спачатку хацеў асвятляць розныя тэмы, але хутка яго зацягнула палітыка.
Дзмітрый актыўна ўдзельнічаў у пратэстах супраць інтэграцыі з Расіяй у канцы 2019 года. За ўдзел у акцыях, стрымы і заклікі да ўдзелу ён стаў рэкардсменам па колькасці сутак адміністрацыйнага арышту — тады яго пакаралі 120 суткамі. Пазней яму выставілі абвінавачванне паводле ч. 1 арт. 13 і ч. 2 арт. 293 КК (падрыхтоўка да ўдзелу ў масавых беспарадках).
10 чэрвеня 2020 года Дзмітрый быў затрыманы разам з актывістамі «Еўрапейскай Беларусі». На наступны дзень яго асудзілі на 20 сутак арышту і ён мусіў выйсці 30 чэрвеня, але заставаўся за кратамі, бо стаў фігурантам крымінальнай справы паводле арт. 342 КК (арганізацыя ці ўдзел у групавых дзеяннях, што груба парушаюць грамадскі парадак).
25 траўня 2021 года Магілёўскі абласны суд абвясціў прысуд Дзмітрыю і яшчэ шасці палітвязням. Суддзя Ірына Ланчава прысудзіла яму 5 гадоў калоніі ўзмоцненага рэжыму. Паводле падлікаў праваабаронцаў, ён павінен быў выйсці 28 лістапада 2024 года.
Але 29 лістапада 2024 года ў Бабруйску разгледзелі новую крымінальную справу супраць Дзмітрыя Казлова. Напярэдадні, 28 лістапада, яго тэрмін зняволення заканчваўся, але з калоніі яго перавялі ў СІЗА № 5. Цяпер яго абвінавачвалі паводле арт. 411 КК (злоснае непадпарадкаванне адміністрацыі калоніі). Суддзя Павел Карцінін прысудзіў яшчэ адзін год і пяць дзён пазбаўлення волі.
На пачатку вясны 2025 года было вядома, што Зміцера перавялі ў папраўчую калонію № 20 у Мазыры.
У ліпені 2025 года ютуб-каналы Дзмітрыя «Серый кот» і «Серый кот стримы» прызналі экстрэмісцкімі.
Мікола Дзядок: Варыянт застацца ў турме не разглядаў
Так выглядае таймлайн Мікалая Статкевіча за сёння, зафіксаваны камерай перахода Каменны Лог ВІДЭА
Прынамсі ў часткі палітвязняў перад тым, як выслаць з Беларусі, адабралі пашпарты
Поўны спіс 52 вызваленых палітвязняў
Журналіст Манцэвіч, блогеры Казлоў і Вінаградаў, палітык Кучук. паплечнікі Аўтуховіча і Статкевіча. Хто яшчэ з палітвязняў вызваліўся сёння?
Былога супрацоўніка контрразведкі КДБ арыштавалі за здраду дзяржаве9
Каментары