Дарадцы ўрада Брытаніі: Абмежаванні з-за каранавіруса могуць працягвацца год
Па словах навукоўцаў, што кансультуюць брытанскі ўрад па каранавірусным крызісе, абмежавальныя меры па мінімізацыі сацыяльных кантактаў у Брытаніі, магчыма, прыйдзецца захоўваць на працягу года, каб прадухіліць перагрузку службы аховы здароўя, паведамляе Reuters.
Пра гэта гаворыцца ў дакуменце навукова-кансультацыйнай групы па надзвычайных сітуацыях, апублікаваным у пятніцу.
Па словах навукоўцаў, ураду, можа, прыйдзецца чаргаваць перыяды больш строгіх абмежаванняў і больш мяккіх.
Меры, якія павінны захоўвацца на працягу «працяглага перыяду», уключаюць агульнае сацыяльнае дыстанцыяванне, закрыццё школ і ізаляцыю хатніх гаспадарак, гаворыцца ў справаздачы навукоўцаў.
Цяпер чытаюць
«Чакаю тавар ужо 13 дзён». Што пішуць кліенты аб праблемах Wildberries7
Каментары