Афіша11

РТБД пачынае анлайн-трансляцыі сваіх спектакляў, «улічваючы сённяшнюю сітуацыю»

Абвестка пра гэта з'явілася на сайце Рэспубліканскага тэатра беларускай драматургіі. Пры гэтым тэатр, як і іншыя ўстановы культуры, ні словам не згадвае пра пандэмію каранавіруса.

«Улічваючы сённяшнюю сітуацыю, мы падрыхтавалі падарунак усім прыхільнікам нашага тэатра, каб «даставіць» сапраўдныя эмоцыі ў кожны дом.

10 дзён у кампаніі РТБД, любімых акцёраў і знакавых спектакляў спецыяльна для вас на нашым youtube-канале.

Каб нічога не прапусціць, захоўвайце наш расклад і стаўце «напаміналкі» на youtube (кнопка «напомнить»):

27.03 у 19.00 — спектакль «Адвечная песня»

28.03 у 19.00 — спектакль «Адэль»

29.03 у 19.00 — спектакль «Жанчыны Бергмана»

30.03 у 14.00 — спектакль «Айбаліт, Бармалей, пра жывёл i брадвей»

31.03 у 19.00 — спектакль «Сталіца Эраўнд»

01.04 у 19.00 — спектакль «Мiстэр Розыгрыш»

02.04 у 19.00 — спектакль «Неба ў дыяментах»

03.04 у 19.00 — спектакль «Раскiданае гняздо»

04.04 у 19.00 — спектакль «Дажыць да прэм’еры»

05.04 у 19.00 — спектакль «Любоў людзей»

Да сустрэчы ў эфіры!»

Раней з аналагічнымі прыгожымі ініцыятывамі выступілі Тэатр імя Янкі Купалы і Нацыянальны мастацкі музей краіны.

Мастацкі музей, да прыкладу, пачаў відэатрансляцыі сваіх традыцыйных экскурсій. Яны адбываюцца на выхадных, вядуць іх найлепшыя мастацтвазнаўцы краіны.

«У любой сітуацыі заўсёды можна знайсці станоўчыя моманты…» — так пачынаецца паведамленне ў фэйсбуку музея. Гэтая дзяржаўная ўстанова, аднак, ні словам не згадвае пра пандэмію, якая змусіла мільёны людзей у свеце абмежаваць свой выхад у людзі.

Гэта можа азначаць, што ўстановам культуры краіны рэкамендавана ажыццявіць некаторыя каранцінныя меры без афіцыйнага абвяшчэння пра тое, што гэта звязана з эпідэміялагічнай сітуацыяй.

Учора Брэсцкі драматычны тэатр абвясціў пра адмену спектакляў на вялікай сцэне да канца сакавіка. У той жа час спектаклі на малой сцэне застаюцца. Пра гэта паведамляецца на старонцы тэатра ў фэйсбуку.

Брэсцкі тэатр лялек перанёс усе раней заяўленыя спектаклі «ў мэтах прафілактыкі». Пра гэта ён паведаміў у сваёй групе ўкантакце.

У Беларусі, у адрозненне ад большасці еўрапейскіх краін, меры строгага каранціну не прынятыя. У той жа час медыкі заклікалі людзей старэйшага ўзросту, пры магчымасці, пабыць у самаізаляцыі.

Каментары1

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас16

«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас

Усе навіны →
Усе навіны

Трамп ухваліў план атакі на Іран, але пакуль устрымліваецца ад загаду2

Пуцін заявіў, што гатовы сустрэцца з Зяленскім, але падпісваць з ім нічога не будзе9

У Кітаі жанчына выжыла пасля 22-х удараў нажом дзякуючы грудным імплантам

У Польшчы на беларуса напаў рабаўнік проста на вуліцы4

У Беларусі значна скарацілася колькасць абортаў

Супрацьбункерная бомба ЗША: што пра яе вядома і ці сапраўды яна можа разбурыць ядзерныя бункеры Ірана?2

Работа беларускага кампазітара стала альбомам тыдня ў Аўстраліі2

Міністр адукацыі прызнаў за бацькамі права купляць школьную форму дзе заўгодна1

У сабакі, закапанага жыўцом у лесе пад Светлагорскам, аб'явілася гаспадыня1

больш чытаных навін
больш лайканых навін

«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас16

«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас

Галоўнае
Усе навіны →

Заўвага:

 

 

 

 

Закрыць Паведаміць