Па стане на канец дня 14 красавіка ў свеце каранавірусам COVID-19 заразіліся 1 999 279 чалавек, 126 720 памерла, вылечыліся 478 932.
Колькасць інфіцыраваных ужо некалькі дзён трымаецца прыкладна на адным узроўні. За дзень выявілі 73 969 інфіцыраваных (13 красавіка — 71 571, 12 красавіка — 72 523).
Затое ўчора падскочыла колькасць смерцяў: за дзень памерлі 6982 чалавекі (13 красавіка было 5412, 12 красавіка — 5417, 11 красавіка — 6092).
Краінай, якая найбольш цярпіць ад каранавіруса, застаюцца ЗША. Там ужо 614,2 тысячы заражаных, памерлі за ўчорашні дзень 2407 (13 красавіка было 1535). У Іспаніі — 174 тысячы заражаных (памерлі за 14 красавіка 499 чалавек, 13 красавіка было 547 чалавек). У Італіі — 162,4 тысячы заражаных (памерлі за 14 красавіка 602 чалавекі, 13 красавіка — 566).
Найбольш памерлых за 14 красавіка пасля ЗША ў Вялікабрытаніі (778) і Францыі (762).
Каментары