У капэле імя Шырмы Белдзяржфілармоніі каранавірус знойдзены ўжо ў больш за палову супрацоўнікаў
У Дзяржаўнай акадэмічнай харавой капэле імя Рыгора Шырмы, якая з'яўляецца часткай Белдзяржфілармоніі, каранавірус знойдзены ўжо у 44 чалавек з 75. Інфармацыю пра гэта TUT.BY пацвердзіў генеральны дырэктар філармоніі Аляксандр Мікіта.
14 красавіка каранавірус быў знойдзены ў аднаго з супрацоўнікаў капэлы. 21 красавіка стала вядома, што каранавірус яшчэ ў 28 чалавек.
З таго часу колькасць захварэлых паступова павялічваецца. Як распавёў Аляксандр Мікіта, які штодня стэлефаноўваецца са сваімі супрацоўнікамі, колькасць людзей у капэле з COVID-19 павялічылася з 29 да 44. Таксама каранавірус знойдзены ў трох супрацоўнікаў Філармоніі. Агульная колькасць захварэлых — 47.
Гэтая лічба можа павялічыцца. Яшчэ ў дваіх чалавек пнеўманія, іх тэсты пакуль не гатовыя.
Па словах Аляксандра Мікіты, з 47 чалавек восем знаходзяцца ў бальніцы, у большасці каранавірус працякае бессімптомна.
Максім Знак наведаў спектакль «Зэкамерон», пастаўлены па ягонай кнізе, напісанай у СІЗА4
Каментары