Улады маюць намер патраціць ад 5 да 6 мільярдаў рублёў на падтрымку эканомікі і сацыяльнай сферы для мінімізацыі ўплыву на эканоміку сусветнай эпідэміялагічнай сітуацыі. Для гэтага ўрад разлічвае прыцягнуць знешнія пазыкі на 2-2,5 мільярда даляраў. Пра гэта паведаміў намеснік прэм'ер-міністра Беларусі Дзмітрый Круты, перадае тэлеканал «Беларусь-1», піша Tut.by.
Дзмітрый Круты распавёў, што ўлады падрыхтавалі два новыя пакеты падтрымкі эканомікі і сацсферы. Адзін з іх на наступным тыдні плануюць прадставіць на разгляд прэзідэнту. Увогуле на меры па падтрымцы эканомікі можа пайсці ад 5 да 6 мільярдаў рублёў. Па словах Дзмітрыя Крутога, гаворка ідзе пра прамую і ўскосную дапамогу. Для гэтага наша краіна мае намер звярнуцца па дапамогу знешніх крэдытораў, у тым ліку МВФ, Сусветнага банка, Еўрапейскага інвестыцыйнага банка, Банка развіцця Кітая.
«Практычна ўсе з іх атрымалі нашы заяўкі, цяпер ідзе штотыднёвая праца, каб пастарацца прыцягнуць і рэсурсы, разгрузіць бюджэт, падтрымаць устойлівасць нашага дзяржаўнага доўгу і магчымасці яго рэфінансавання ў тых аб'ёмах, у якіх мы планавалі ў пачатку года. Таму ніхто з іх не адмовіў», — удакладніў першы намеснік прэм'ер-міністра.
Дзмітрый Круты таксама распавёў, аб якіх сумах запазычанняў ідзе гаворка:
— Калі казаць пра перамовы з МВФ, то ў рамках нашай квоты гэта блізу 900 мільёнаў даляраў, Сусветны банк — гэта перамовы прыкладна на 300 мільёнаў даляраў, Еўрапейскі інвестыцыйны банк — гэта таксама прыкладна 300 мільёнаў даляраў. Гэта значыць сумарна дзесьці прыкладна 2-2,5 мільярда даляраў мы зможам прыцягнуць ад знешніх крэдытораў. Гэта будуць вельмі добрыя лічбы, — распавёў ён.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос8
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4848
Каментары