Па колькасці хворых на каранавірус Беларусь зноў абагнала Польшчу і амаль дагнала Японію
Мінздароўя сёння агучыла лічбу па хворых на каранавірус. Па стане на раніцу 29 красавіка ў Беларусі зафіксаваны 13 181 выпадак. Гэта 1395 выпадкаў на 1 млн чалавек.
Па стане на сярэдзіну дня 29 красавіка ў Польшчы (там звесткі абнаўляюцца цэлы дзень, а не раз на суткі як у нас) зафіксавана 12 415 выпадкаў. Паколькі насельніцтва суседняй краіны ў чатыры разы большае, то гэта 328 выпадкаў на 1 млн чалавек. Праўда, у Польшчы памерлі 606 чалавек.
Беларусь абагнала Румынію, там 11 978 выпадкаў (623 на 1 млн), памерлі 675.
І амаль дагнала Японію, дзе зафіксавана 13 736 выпадкаў (109 на 1 млн).
У Літве 1375 выпадкаў, 44 смерці (505 выпадкаў каранавіруса на 1 млн), у Латвіі — 849 выпадкаў пры 15 смерцях (450 на 1 млн), у Эстоніі 1666 выпадкаў, 50 смерцяў (1256 выпадкаў каранавіруса на 1 млн).
Па агульнай колькасці хворых Беларусь узнялася на сумнае 30-е месца.
Месцы ў сумным заліку з 20-га па 32-е.
Цяпер чытаюць
За падпіску на каналы трэш-блогера Мэлстроя цяпер будуць караць5
Каментары