Эпідэміёлагі адсунулі «ўстойлівае зніжэнне» захворвання на COVID-19 яшчэ на месяц
Аляксандр Лукашэнка 5 мая згадаў пра тое, што «з дзіўнай дакладнасцю» спраўджваецца прагноз, дадзены раней беларускімі спецыялістамі. Намеснік галоўнага ўрача Рэспубліканскага цэнтра гігіены, эпідэміялогіі і грамадскага здароўя Ірына Глінская распавяла ў эфіры тэлеканала «Беларусь 1» пра тое, як фармаваўся прагноз і калі Беларусь выйдзе на плато па колькасці заражаных каранавірусам, піша Tut.by.
— Мы зрабілі гэты прагноз. Улічвалася эпідэміялагічная мадэль, ўдзельнічалі ў яе распрацоўцы розныя спецыялісты. Бо гэтае пытанне знаходзіцца на стыку спецыяльнасцяў — у сферы працы эпідэміёлагаў, вірусолагаў, інфекцыяністаў. Улічваліся зусім розныя параметры: сярэдні інкубацыйны перыяд каранавіруса, розныя мадэлі, як можа развівацца сітуацыя. Безумоўна, улічвалі і нейкія пэўныя сацыяльныя асаблівасці, разумеючы, што ў тыя ж выходныя дні насельніцтва не так акуратна прытрымліваецца рэкамендацый Міністэрства аховы здароўя па сацыяльным дыстанцыяванні, як у працоўныя дні. Прагноз з моманту яго стварэння амаль у поўнай меры апраўдваецца. Але, можа быць, толькі ў апошнія тыдзень-паўтары ў нас у параўнанні з прагнозам ледзь-ледзь з'явіўся зрух на адзін дзень. Тыя меры, якія мы сёння прымаем, досыць эфектыўныя. Яны працуюць і дазваляюць нам не дапусціць лавінападобнага росту, — пракаментавала Ірына Глінская.
У намесніка галоўнага ўрача Рэспубліканскага цэнтра гігіены, эпідэміялогіі і грамадскага здароўя таксама пацікавіліся, прывёўшы ў прыклад Віцебскую вобласць, калі Беларусь выйдзе на «тое самае плато» па колькасці заражаных каранавірусам і лічбы пачнуць зніжацца.
— Зараз мы маем зніжэнне захворвання па гэтым рэгіёне (Віцебскай вобласці). Мяркуем, што недзе праз месяц, магчыма, нават да канца гэтага месяца, мы ўсё ж такі выйдзем на ўстойлівае зніжэнне захворвання і тады ўжо можна будзе казаць пра нейкія наступныя прагнозы, — распавяла Ірына Глінская.
5 мая Лукашэнка адзначыў, што «з дзіўнай дакладнасцю» спраўджваецца прагноз, дадзены раней беларускімі спецыялістамі. Пра які менавіта прагноз ідзе гаворка, якія там пазначаны паказчыкі, прэзідэнт не ўдакладніў.
Раней міністр аховы здароўя Уладзімір Каранік заяўляў, што пік захворвання прыйдзецца на канец красавіка — пачатак мая.
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары