Epidemijołahi adsunuli «ŭstojlivaje źnižeńnie» zachvorvańnia na COVID-19 jašče na miesiac

Alaksandr Łukašenka 5 maja zhadaŭ pra toje, što «ź dziŭnaj dakładnaściu» spraŭdžvajecca prahnoz, dadzieny raniej biełaruskimi śpiecyjalistami. Namieśnik hałoŭnaha ŭrača Respublikanskaha centra hihijeny, epidemijałohii i hramadskaha zdaroŭja Iryna Hlinskaja raspaviała ŭ efiry telekanała «Biełaruś 1» pra toje, jak farmavaŭsia prahnoz i kali Biełaruś vyjdzie na płato pa kolkaści zaražanych karanavirusam, piša Tut.by.

— My zrabili hety prahnoz. Uličvałasia epidemijałahičnaja madel, ŭdzielničali ŭ jaje raspracoŭcy roznyja śpiecyjalisty. Bo hetaje pytańnie znachodzicca na styku śpiecyjalnaściaŭ — u śfiery pracy epidemijołahaŭ, virusołahaŭ, infiekcyjanistaŭ. Uličvalisia zusim roznyja paramietry: siaredni inkubacyjny pieryjad karanavirusa, roznyja madeli, jak moža raźvivacca situacyja. Biezumoŭna, uličvali i niejkija peŭnyja sacyjalnyja asablivaści, razumiejučy, što ŭ tyja ž vychodnyja dni nasielnictva nie tak akuratna prytrymlivajecca rekamiendacyj Ministerstva achovy zdaroŭja pa sacyjalnym dystancyjavańni, jak u pracoŭnyja dni. Prahnoz z momantu jaho stvareńnia amal u poŭnaj miery apraŭdvajecca. Ale, moža być, tolki ŭ apošnija tydzień-paŭtary ŭ nas u paraŭnańni z prahnozam ledź-ledź źjaviŭsia zruch na adzin dzień. Tyja miery, jakija my siońnia prymajem, dosyć efiektyŭnyja. Jany pracujuć i dazvalajuć nam nie dapuścić łavinapadobnaha rostu, — prakamientavała Iryna Hlinskaja.

U namieśnika hałoŭnaha ŭrača Respublikanskaha centra hihijeny, epidemijałohii i hramadskaha zdaroŭja taksama pacikavilisia, pryvioŭšy ŭ prykład Viciebskuju vobłaść, kali Biełaruś vyjdzie na «toje samaje płato» pa kolkaści zaražanych karanavirusam i ličby pačnuć źnižacca.

— Zaraz my majem źnižeńnie zachvorvańnia pa hetym rehijonie (Viciebskaj vobłaści). Miarkujem, što niedzie praź miesiac, mahčyma, navat da kanca hetaha miesiaca, my ŭsio ž taki vyjdziem na ŭstojlivaje źnižeńnie zachvorvańnia i tady ŭžo možna budzie kazać pra niejkija nastupnyja prahnozy, — raspaviała Iryna Hlinskaja.

5 maja Łukašenka adznačyŭ, što «ź dziŭnaj dakładnaściu» spraŭdžvajecca prahnoz, dadzieny raniej biełaruskimi śpiecyjalistami. Pra jaki mienavita prahnoz idzie havorka, jakija tam paznačany pakazčyki, prezident nie ŭdakładniŭ.

Raniej ministr achovy zdaroŭja Uładzimir Karanik zajaŭlaŭ, što pik zachvorvańnia pryjdziecca na kaniec krasavika — pačatak maja.

• 0
• 0
• 0
• 0
• 0
• 0
• 0
• 0