«Людзі выйдуць на Плошчы ў кожным абласным і раённым цэнтры»: Ціханоўскі агучыў план на 9 жніўня
Падчас шматгадзіннага пікета ў Баранавічах блогер Сяргей Ціханоўскі, кіраўнік штаба вылучэнкі ў прэзідэнты Святланы Ціханоўскай, расказаў карэспандэнту «Нашай Нівы» пра план на дзень выбараў і пра сцэнар дзеянняў на выпадак свайго затрымання.
«Наша Ніва»: На вас вісіць 30 сутак і безліч пратаколаў, у любы момант вас могуць затрымаць — якой рэакцыі сваіх прыхільнікаў вы чакаеце, калі ўлады на гэта адважацца?
Сяргей Ціханоўскі: Калі выйдзе так, што перад выбарамі гэтак званы прэзідэнт рукамі сілавікоў паспрабуе абезгаловіць пратэст, то ён павінен разумець, што гэта ж не я пратэстую — гэта пратэстуюць людзі.
У іх ужо колькі злосці назапашана, ну дык будзе яшчэ болей. Мне, можа, нават хацелася б, каб яны не выходзілі, калі мяне затрымаюць, а пачалі доўгі мірны пратэст. Але я ўжо нічога не магу спыніць. Калі людзі захочуць, яны самі выйдуць. Не за мяне, а за сябе, за перамены, за Беларусь.
«Наша Ніва»: Які ў вас план дзеянняў на 9 жніўня?
Сяргей Ціханоўскі: У мяне ёсць папярэдні план на выпадак, калі выбары будуць зноў сфальсіфікаваныя.
Людзі выйдуць кожны ў сваім горадзе спачатку да выбарчых участкаў, потым да выканкамаў на цэнтральныя плошчы. У кожным абласным і раённым горадзе, не кажучы пра сталіцу.
І для гэтага не патрэбны каардынатары.
«Наша Ніва»: А як зразумець, што выбары сфальсіфікаваныя?
Сяргей Ціханоўскі: Трэба станавіцца назіральнікамі, і людзі ўсё ўбачаць самі. Ужо цалкам ясна, што ў Лукашэнкі падтрымкі няма. Апытанні ў інтэрнэце, актыўнасць на пікетах — паслухайце, што людзі кажуць! Калі ён зноў намалюе, што яго падтрымлівае 80% — гэта хлусня і фальсіфікацыя.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3333
Каментары