Пра гэта экс-кіраўнік ПВТ, патэнцыйны кандыдат у прэзідэнты Валерый Цапкала сказаў у інтэрв'ю Tut.by.
«Cвет развіваецца вельмі хутка. Мы павінны мяняць і сябе, і ўлады», — адказаў ён на пытанне, чаму вырашыў ісці ў прэзідэнты.
На думку Цапкалы, Лукашэнку можна занесці ў актыў першыя дзесяць гадоў, а потым варта было сыходзіць.
«Чалавек, калі прыходзіць да ўлады, перастае разумець свет, ён перастае хадзіць у крамы як звычайны чалавек, гаварыць з людзьмі, ён не ездзіць за мяжу як проста чалавек, як просты чалавек не рэгіструецца ў аэрапорце. У яго проста губляецца досвед і разуменне», — мяркуе экс-кіраўнік ПВТ.
Цапкала зноў прывёў у прыклад, як узор кіраўніка, першага прэзідэнта ЗША Джорджа Вашынтона, які адбыў два тэрміны і, нягледзячы на ўгаворы, сышоў з пасады кіраўніка краіны: «Закон ёсць закон».
Да таго ж, на думку Цапкалы, чалавек павінен разумець, што ў яго ёсць нейкі часавы прамежак, у які трэба ўкласціся, каб рэалізаваць свае планы.
Таксама ён назваў галіны, якія патрабуюць неадкладных рэформаў: прамысловасць, сельская гаспадарка, ахова здароўя і адукацыя.
Цяпер чытаюць
Як журналістка «Нашай Нівы» шукала пару на праваслаўным сайце знаёмстваў. Падкаціў і Талай35
Каментары