Пра гэта кіраўнік беларускай дзяржавы заявіў сёння на сустрэчы з прэм'ерам Венгрыі Віктарам Орбанам, паведамляе прэс-служба.
«Беларусь і Венгрыя зноў пацвярджаюць, што не прымаюць спробаў аказання ціску звонку па розных прычынах. Нашы краіны сутыкнуліся з абсалютна беспрэцэдэнтнымі і нахабнымі спробамі процідзеяння рэалізацыі суверэннага права на развіццё мірных ядзерных праграм (у Венгрыі пры ўдзеле расійскага боку рэалізуецца праект па ўзвядзенні двух новых энергаблокаў АЭС «Пакш»)», — заявіў Аляксандр Лукашэнка.
Паводле яго слоў, краіны дамовіліся, што разам будуць даваць на іх адэкватны, але жорсткі адказ. «Беларускі бок не дапусціць, каб хтосьці звонку спрабаваў уплываць на нашу энергетычную палітыку.
Разам з тым мы гарантуем, што гэтая палітыка заўсёды будзе арыентавана на максімальную бяспеку, адкрытасць і празрыстасць, — падкрэсліў кіраўнік дзяржавы. — Больш за тое, мы будзем рабіць усё, каб не толькі палітыка, а новая АЭС у Беларусі працавала не толькі на Беларусь, але і на ўсе зацікаўленыя краіны».
Ёе заявіў, што гатовы прыняць экспертаў МАГАТЭ, ЕС, іншых міжнародных структур, каб яны пераканаліся ў тым, што Беларуская атамная электрастанцыя не пагражае ні самім беларусам, ні суседзям.
«Мы пацвердзілі зацікаўленасць у абмене вопытам у ядзерна-энергетычнай сферы, эксплуатацыі АЭС, бяспечнага абыходжання з радыеактыўнымі адходамі і адпрацаваным ядзерным палівам», — сказаў Аляксандр Лукашэнка.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары