Бразільская асацыяцыя прэсы (ABI) збіраецца падаць у суд на прэзідэнта краіны Жаіра Балсанару з-за таго, што ён падвергнуў журналістаў рызыцы заразіцца каранавірусам. Пра гэта паведамляецца на сайце ABI.
7 ліпеня Балсанару падчас прэс-канферэнцыі паведаміў, што яго тэст на новы каранавірус даў станоўчы вынік. Паводле звестак ABI, кіраўнік дзяржавы пры гэтым «парушыў рэкамендаваны дактарамі рэжым ізаляцыі», не выконваў дыстанцыю і зняў маску.
«Нягледзячы на тое, што ён ведаў, што заражаны COVID-19, прэзідэнт Жаір Балсанару працягнуў дзейнічаць злачынным чынам і падвяргаць рызыцы жыцці іншых людзей», гаворыцца ў заяве.
У асацыяцыі прэзідэнта абвінавацілі ў парушэнні двух артыкулаў Крымінальнага кодэкса, у тым ліку ў «распаўсюдзе інфекцыйных захворванняў». Гэтыя артыкулы прадугледжваюць турэмнае зняволенне і штраф. «Сутыкнуўшыся з такой сітуацыяй, ABI падае ў Вярхоўны суд на прэзідэнта», — гаворыцца ў заяве.
6 ліпеня Балсанару распавёў, што ў яго паднялася тэмпература да 38 градусаў і з'явілася слабасць. На наступны дзень ён паведаміў аб станоўчым выніку тэсту на каранавірус і заявіў, што ўжо адчувае сябе лепш.
Раней Балсанару адмаўляў небяспеку каранавіруса, называючы яе перабольшанай. Доўгі час адмаўляўся ўводзіць у Бразіліі абмежавальныя меры, у прыватнасці, выступаў супраць сацыяльнай дыстанцыі і закрыцця крамаў. Таксама ён працягваў сустракацца са сваімі прыхільнікамі і часта з'яўляўся на публіцы без маскі.
-
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс
-
Злучаныя Штаты могуць скараціць колькасць сваіх войскаў у Еўропе на 30%
-
Настаяцель манастыра Шаалінь трапіў пад следства па падазрэнні ў растратах і амаральным ладзе жыцця
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос6
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4848
Каментары