Вярхоўны Суд ЗША прызнаў значную частку штата Аклахома — каля паловы яго тэрыторыі — зямлёй, якая належыць індзейскай рэзервацыі. Гэта зменіць становішча карэнных жыхароў штата.
За такое рашэнне прагаласавалі пяцёра суддзяў, чацвёра выступілі супраць. Практычна ўся ўсходняя частка штата з насельніцтвам у 1,8 мільёна чалавек, цяпер афіцыйна лічыцца зямлёй індзейскіх пяці плямёнаў — чыкаса, чокта, чэрокі, семінолаў і маскогаў, якія адносяцца да народнасці крык, ад імя якой і быў пададзены пазоў да ўрада штата.
Рэзервацыя ўключае ў сябе прыкметную частку Талсы, другога па колькасці горада Аклахомы і цэнтра нафтаздабычы.
Удакладняецца, што рашэнне суда пацягне за сабой перагляд сотняў судовых прысудаў — прадстаўнікоў карэнных народаў павінны судзіць альбо племянныя суды, альбо, у выпадку сур'ёзных правапарушэнняў, федэральныя.
Верагодна, што наступствы гэтага судовага рашэння адчуе на сабе падатковая сістэма штата, экалагічнае рэгуляванне і цэлы шэраг іншых апаратаў дзяржавы. Акрамя таго, яго называюць вяхой для карэнных амерыканцаў у цэлым — на падставе гэтага прэцэдэнту будуць весціся далейшыя справы па падобных пытаннях.
Цяпер чытаюць
«Набліжаецца момант пералому сітуацыі». Вадзім Кабанчук пра план для беларусаў2
«Набліжаецца момант пералому сітуацыі». Вадзім Кабанчук пра план для беларусаў
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1616
Каментары