Нацыянальны банк указаў банкам на неабходнасць няўхільна выконваць патрабаванні заканадаўства па крэдытных дагаворах. Адпаведны ліст Нацбанк адправіў на адрас банкаў у сувязі з выяўленымі падчас праверак парушэннямі, паведамляе БелТА.
У адпаведнасці з Банкаўскім кодэксам той, хто дае крэдыт, не мае права ў аднабаковым парадку павялічыць памер працэнтаў за карыстанне крэдытам. Разам з тым у некаторых крэдытных дагаворах замацавана права банка павялічыць памер працэнтнай стаўкі. У Нацбанку звярнулі ўвагу: наяўнасць у дагаворах падобных умоў не адпавядае патрабаванням заканадаўства.
Асобныя банкі не выконваюць рэкамендацыі аб зніжэнні павышанага памеру працэнтаў па крэдыце для тых, хто не вярнуў крэдыт у тэрмін, а таксама рэкамендацыі аб суразмернасці штрафаў. Так, у крэдытных дагаворах некаторых банкаў прадугледжана, што за несвоечасовае вяртанне працэнтная стаўка павялічваецца ў 2-3 разы.
Рэгулятар лічыць, што прымяненне такіх павышаных адсоткаў можна расцэньваць як дадатковыя штрафныя санкцыі за парушэнне ўмоў крэдытнага дагавора. Акрамя гэтага крэдытаатрымальнікі абавязаныя выплаціць пені ў памеры ад 0,01% да 3% за кожны дзень пратэрміноўкі альбо штраф. Гэта не адпавядае рэкамендацыям Нацбанка аб непрымяненні двух і больш відаў штрафных санкцый за адно парушэнне.
Банкам неабходна прыняць меры па няўхільным выкананні патрабаванняў заканадаўства пры заключэнні і выкананні крэдытнага дагавора, забяспечыць суразмернасць штрафных санкцый з панесенымі банкам выдаткамі, а таксама зніжэнне падвышаных адсоткаў.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца8
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары