Сяргей Чалы пра Лукашэнку: Вярнуць любоў народа немагчыма, а купіць — грошай няма
Аляксандру Лукашэнку пасля перамогі на выбарах наўрад ці ўдасца вярнуць любоў народа. Такое меркаванне выказаў у інтэрв'ю Tut.by незалежны аналітык Сяргей Чалы.
— Аляксандр Рыгоравіч думае, што яго праблема 9-10 жніўня скончыцца. Але не. Калі жонка прыняла рашэнне сысці, то можна яшчэ нейкі час прымушаць яе жыць з табой, але ні кахання, ні павагі з яе боку ўжо не будзе. Вярнуць любоў народа немагчыма, а купіць — грошай няма, — тлумачыць эканаміст. І прыводзіць як прыклад завяршэнне фільма «Цар»: Іван Жахлівы пасля чарговай перамогі глядзіць на пусты горад і пытаецца: «Дзе мой народ?» А народ ужо чужы.
Эканамічнае становішча пасля выбараў чароўным чынам не выправіцца. Тым больш з сыходам урада Сяргея Румаса звузіліся шанцы на пераўтварэнні, якія вывелі б эканоміку на шлях росту.
— Нам сказалі, што рэформы магчымыя толькі як удасканаленне мінулага.
Фокус у тым, што, калі ты зайшоў у тупік, удасканальвацца далей немагчыма. Наша эканоміка зайшла ў тупік. А з яго няма выхаду наперад — толькі назад.
Як у аўтамабілі, калі вы заехалі ў тупік, часткай руху наперад будзе вяртанне назад, — кажа Сяргей Чалы.
-
«Я толькі не разумею, для каго пабудавалі АЭС?» Даўно ніякая тэма не выклікала такіх эмоцый, як адключэнне святла на загад Лукашэнкі
-
Пяць прычын — у тым ліку адна фантастычная, — па якіх беларусам адключылі святло ў гарадах
-
І вось пытанне: гэта нармальна, калі беларускі палітык першыя інтэрв’ю дае не беларусам, а немцам і расіяніну?
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары